Kinompirmar ni Anti-Money Laundering Council (AMLC) Executive Director Ronel Buenaventura a nakaawat ti Cale88 Foods Corporation iti agarup P319 milion manipud sadiay China ken Hong Kong.
Ti nasao a kompanya ket nainaig iti asawa ni Vice President Sara Duterte a ni Atty. Manses Carpio.
Sigun kenni Buenaventura, nagtaud sadiay Mainland China ti agarup P315.93 milion bayat a nagapu iti Hong Kong Special Administrative Region of China ti P3.39 million.
Daytoy ti kinuna ni Buenaventura kabayatan ti direct examination kenkuana ni private prosecutor Mae Divinagracia iti impeachment trial ni Vice President Sara Duterte idi Lunes , Oktobre 05.
Maipalagip nga inakosaran ni sigud a Senator Antonio Trillanes IV ni Duterte ken Carpio nga immawat dagitoy iti P150 million ken P319 million manipud sadiay China babaen kadagiti kompanya dagitoy.
Inlaksid ti kampno ti bise presidente ken Chinese Embassy sadiay Manila dagiti alegasyon ken inagawanda a “malicious ken fabricated.”
