Kidkidawen ti maysa a grupo ti government workers kadagiti maseknan nga ahensia ti pannakaingato ti National Minimum wage ti P33,000 iti tunggal bulan para kadagiti government workers, kalpasan ti awag ni President Ferdinand Marcos Jr. a pannakarepaso ti minimum wage rates iti tunggal rehion iti pagilian.
Malaksid iti dayta, kiniddaw pay ti Alliance of Concerned Teachers (ACT) ti agpapada a minimum wage para kadagiti amin a mangmangged, no sadino nasken a mabayadan dagiti entry-level teachers ti P50,000 iti binulan.
Nupay kasta, inwaragawag ti Department of Budget and Management (DBM) nga aniaman a panagngato ti sueldo dagiti empleado ti gobierno ket masapul nga umuna a pagsasaritaan iti Kongreso, sakbaay nga ipatungpal ti nasao a departamento no maaprobaran.
Maipalagip nga imbilin ni President Marcos ti pannakarepaso ti minimum wage rates iti tunggal rehion itay nabiit, no sadino dinakamatna a rumbeng a maikonsidirar ti epekto ti implasion iti sueldo dagiti mangmangged.
