BAGUIO CITY – Nakemmeg ti dua a napeklan a drug personalities bayat a nakalibas ti dua pay a kadwada kalpasan a rinnebbek dagiti otoridad ti maysa a yunit sadiay Barangay Imelda, Baguio City a pangisaysayangkatanda ti pot session idi rabii kalman.
Nabigbig dagiti nakemmeg a da Joshua Stephen Alsisto alyas Pidot, 27-anyos, baro, awanan trabaho, residente ti Lower Malvar Street, Trancoville, Baguio City ken Denise Gayle Valencia, 26-anyos, residente ti Red Alley, Lower QM, Baguio City bayat a nabigbig ti maysa kadagiti nakalibas a ni Brian Leonile Dris nga agnanaed iti nakaisayangkatan ti operasyon.
Maibasar iti rekord ti pulisya, ni Alsisto ket No. 2 Regional Level iti COPLAN ONSE ti PRO-Cordillera ken Regional High Value Target ti PDEA Cordillera, no sadino,
Naisayangkat ti panagrebbek kalpasan a nakaawat dagiti otoridad iti impormasyon seknan iti manarimaan a panagaramat dagiti nasao nga indibidual iti maiparit a droga.
Nagresulta ti operasyon iti panakakemmeg dagiti tallo ken iti panakakumpiskar ti dua a pakete ti mapapati a shabu nga agdagsen ti 65 grams ken aggatad ti P442-K; maysa a paltog, 50 a bala ken nagduduma a drug paraphernalia.
Sumangsangon dagiti dua iti kaso a panaglabsing iti RA 9165 wenno iti Comprehensive Dangerous Drugs Act of 2002 ken iti RA 10591 wenno iti Comprehensive Firearms and Ammunition Regulation Act.
