--Ads--
BAGUIO CITY – Naipasigurado ti P5-M a pondo a mailatang kadagiti vendors a napukawan iti pamastrekan kabayatan ti community quarantine ditoy siudad ti Baguio City.
Sigun kenni Mayor Benjamin Magalong, pakabuklan daytoy ti kanayunan a tulong nga impaay ti Department of Labor and Employment (DOLE) ken ti lokal a gobierno kadagiti vendors a naapektaran ti pandemya.
Kinunana a maysa kadagiti kondision iti nasao nga livelihood assistance ti panaga-organisa wenno panagmiembro dagiti vendors iti maysa a kooperatiba.
Innayonna a mamonitor dagiti vendors nga aglaklako iti central business district nangruna kadagiti uniform kiosks a maipasdaek tapnu saan nga agkaiwara dagitoy kadagiti parke ken dadduma pay.
