Impeksa ni Kamanggagawa party-list Rep. Eli San Fernando a barya laeng ti P50 a panagngato ti minimum wage iti National Capital Region (NCR) nga inwaragawag ti wage board.
Sigun kenni Eli, ti kidkiddawen dagiti mangmangged ket P200 a panagngato.
Iti umuna nga aldaw ti maika-duapulo a Kongreso, karaman kadagiti naipila iti Kamara ket dagiti gakat a mangkidkiddaw a maikkat ti regional wage rates, mangiparit iti contractualization, ken panakaipangato ti sueldo dagiti mangmangged.
Sigun pay iti nasao nga opisial, kayatna a mawaswas ti Republic Act 6727 wenno ti Wage Rationalization Act gaputa panawenen ti uniform minimum wage iti Luzon, Visayas ken Mindanao.
Maysa pay kadagiti impilana ket ti pannakaamyendar ti Articles 106 ken 107 ti Labor Code a mangiparit iti contractualization.
Kinuna ti mammanday-linteg a nangipila pay iti gakat a mangimandato iti pannakaipaay ti sick leave ken vacation leave, a sigun kenkuana, saan a nalawag a nakalanad daytoy iti Labour Code nu sadinno, maipatungpal laeng daytoy maibasar iti prerogative dagiti employers.
Kabayatanna, nangipila met da Makabayan lawmakers Antonio Tinio ti ACT Teachers party-list ken Renee Co ti Kabataan Partylist iti P1,200 national minimum wage.
Sigun kenni Tinio, daytoy ti kasapulan a sueldo gaputa makabiag kadagiti Pilipino.
