BAGUIO CITY – Manamnama a mapatibker dagiti Temporary Treatment and Monitoring Facilities (TTMFs) iti COVID-19 ditoy Cordillera babaen iti Bayanihan to Recover as One Act wenno Bayanihan 2.
Nakalanad iti linteg a mailatangan ti Cordillera iti P50-M para iti konstruksion ken pannakatarimaan dagiti TTMFs iti rehion.
Manipud iti nasao a gatad, maipaayan iti sag-P10-M ti siudad ti Baguio, Abra, Apayao ken Benguet bayat a sag-P5-M ti maawat ti Ifugao ken Mountain Province.
Iti agdama ket maibilbilangen a ‘danger zone’ dagiti TTMFss ti Baguio gapu iti 83.78 percent nga accupancy rate bayat nga adda metten iti ‘warning zone’ ti Benguet gapu iti 43.50 percent nga occupancy rate.
Agtaltalinaed met iti ‘safe zone’ ti dadduma pay a lugar iti rehion no maipapan iti accunpancy rate dagiti TTMFs.
