Narekober iti maysa a condominium ita nga aldaw, January 20, 2026 ti maysa a coffee machine a maatap a natakaw idiay Mile Hi John Hay, Baguio City idi Enero 18.
Iti interview ti Bombo Radyo, kinuna ni Ruperto Malones Jr., Safety and Security Officer ti John Hay Management Corporation, ti nasao a coffee machine ket aggatad iti P500-K.
Kinunana a nakaawatda iti impormasyon idi kalman, Enero 19 maipapan iti coffee machine a natakaw iti establishment dagitoy.
Iti naipatulod kadakuada a ladawan, makita ti dua nga indibidwal a kaabayda ti coffee machine.
Gapu iti daytoy, kinuna ni Malones a nakikoordinarda iti General Service Division ken nakumpirmar a ti nasao a coffee machine ket karaman iti imbentaryo dagitoy.
Dagus a nagpatulong ti Safety and Security Office ti John Hay Management Corporation kadagiti otoridad tapnu mabawida ti coffee machine a balligi a naiturn-over kadakuada ita nga aldaw.
Sigun kenni Malones, daytoy ti umuna a gundaway nga adda ti natakaw a kagawaanda.
Kinunana pay a posible a sumango iti kaso ti dua nga indibidwal a mapapati a nagtakaw iti nasao a coffee machine.//via Bombo Jerwin Aquino
This is a developing story…
