--Ads--
BAGUIO CITY – Dinadael dagiti otoridad ti P53.78-M a gatad dagiti fully-grown marijuana plants sadiay Butbut Proper, Tinglayan, Kalinga.
Resulta daytoy ti dua nga aldaw nga eradication operation a nangrugi idi kanikadua ken nagleppas idi kalman, May 20.
Kabayatan ti operasyon ket nadiskobre ti pito a disso nga addaan pakabuklan a kalawa a 36,600 metro kwadrado a namulaan ti rinibribo a puon ti marijuana.
Naparut kadagitoy a disso ti 270,000 a puon ti marijuana nga aggatad amin ti P53.78-M.
Nupay kasta, awan ti natiliw a marijuana cultivator kabayatan ti operasyon.
