--Ads--
![](https://img.bomboradyo.com/baguio/2024/03/High-Value-Individual.jpg)
LA TRINIDAD, BENGUET – Nakumpiskar ti P54-K ti gatadna nga iligal a droga ken natiliw dagiti innem a drug personalities idiay Sitio Timoy, Brgy Puguis, La Trinidad, Benguet idi kalman, Marso baente singko.
Maibasar iti report ti Police Regional Office Cordillera, dua kadagiti suspek ket high value individual bayat a dagiti dadduma ket street level individual.
Bayat ti pannakaiserbi ti warrant of arrest, sangapulo a pakete ti maatap a shabu nga agdagsen ti agarup walo a gramo nga aggatad ti P54,400 ken nagduduma a drug paraphernalia ti nakumpiskar.
Addan iti kustodiya ti La Trinidad Municipal Police Station dagiti suspek ken dagiti nakumpiskar nga ebidensiya.