Nagun-od ti Commission on Higher Education (CHED) ti P56.66 million a pondo para iti scholarship dagiti estudiante iti medical technology and pharmacy para iti Academic Year 2026–2027.
Saklawen ti pondo manipud iti Higher Education Development Fund (HEDF) ti 238 nga eskolar iti maikadua a semester ti AY 2025–2026 ken 300 nga eskolar para iti umuna a semester ti AY 2026–2027.
Panggep ti nasao nga addang a tulungan dagiti agdama nga eskolar a mangileppas kadagiti degree dagitoy tapno makatulongda iti healthcare workforce ti pagilian.
Iti sidong ti programa, masapul nga ipaay dagiti eskolar ti maysa a tawen a serbisio iti gobierno kalpasan a nakapasa dagitoy iti licensure examinations, maitunos kadagiti pagannurotan ti Department of Health.