Inaprobran ti House of Representatives ti P6.352-trillion a budget para iti 2025 iti maikatlo ken maudi a pannakaibasana idi Sepember 25, 2024.
Dumanon iti dua gasot walo pulo ket lima a mammanday linteg ti immanamong iti House Bill No. 10800 bayat a tallo kadagitoy ti kontra.
Naaprobaran ti naisingasing a budget kalpasan a sinertipikaran ni President Ferdinand Marcos Jr. daytoy kas ”urgent” tapno aprobaran daytoy iti Kongress.
Karaman iti nasao a budget ti P733 Million a budget para iti Office of the Vice President.
Sigun kenni House Speaker Martin Romualdez, dadduma a miembro ti kongresso ti mangkayat a mabawasan ken saan a maipaay ti budget iti Office of the Vice President kalpasan a saan daytoy a timmabuno para iti deliberasyon.
Nupay kasta, kinuna ni Romualdez a saanna a pinatgan daytoy.
Impaganetget met ni Romualdez a maawatanna ti pannakapaay iti kiddaw dagiti maseknan nga opisial iti kongresso, ngem kasapulan a maaddaan iti umdas a budget ti Office of the President tapno agtultuloy ti pannangipaayda iti tulong iti pagilian.
