--Ads--
BAGUIO CITY – Nauram ti maysa pasdek ti An-anaao Integrated School sadiay An-anaao, Budac, Tayum, Abra idi kalman.
Maibasar iti report, nakaawat ti Tayum PNP iti tawag seknan iti maur-uram a pasdek ti nasao a pagadalan.
Dagus a nagresponde dagiti pulis ken dagiti bombero.
Naduktalan iti imbestigasyon dagiti bombero a ti nauram nga istruktura ket maysa a three-room single storey building a naaramid iti kongkreto, kayo, sarming ken sim.
Tagikua ti Department of Education ti nasao a pasdek.
Mapattapatta nga agarup nasurok P650,000 ti gatad ti nasao nga uram.
