Agarup P69 million a gatad iti marijuana plants ken namaga a bulong ti marijuana ti nadadael iti makalawas nga operasion dagiti otoridad iti probinsia ti Benguet, sigun iti Philippine National Police (PNP) idi March 22, 2026.
Iti statement, kinuna ti PNP a babaen iti nagtinnulong nga operasion dagiti operatiba, naisayangkat ti 24 nga eradication operations iti nagduduma a lugar iti Benguet manipod Marso 16 agingga 22.
Nagresulta daytoy iti pannakadadael ken pannakakumpiskar iti 72,900 a puon iti fully grown marijuana plants, 420 seedlings, ken nasurok 454 a kilo iti namaga a bulong iti marijuana, stalks daytoy ken iti fruiting tops.
Kinuna ti PNP a ti nadadael nga iligal a droga ket aggatad iti P69.172 million.
“Hindi natin titigilan ang laban kontra ilegal na droga. Tuloy-tuloy ang ating operasyon, lalo na sa mga lugar na ginagamit sa pagtatanim at produksyon.”
PNP chief Police General Jose Melencio Nartatez Jr.
Innayon pay ni Nartatez Jr. a malaksid iti eradication, agtultultoy metlaeng ti panagreggetda iti panangliklik a maiwaras ti iligal a droga iti pagilian.
