Inaprobaran ti House Committee on Appropriations ti singasing a P7.2-trillion a national budget para iti tawen 2027.
Sigun kenni Committee Chairperson Mikaela Suansing, saan a nagbalin nga unanimous ti panagabruba ken naipasa ti report nga awan iti amendment bayat a saan pay a napagtatalantanan ti Budget Amendments Review Subcommittee (BARSC).
Mapagtatalantanan met dagiti singasing iti panagbaliw nu nagconvene ti BARSC, karaman ti kanayonan a pondo para iti panag-hire dagiti baro a manursuro ken ARAL Program iti Department of Education.
Nagkiddaw met laeng ti kanayonan nga alokasyon ti Deparment of Agriculture para iti fertilizer assistance ken solar-powered irrigation pumps tapno makontra ti epekto iti El Niño.
Impasigurado met ni Suansing nga i-livestream dagitoy dagiti sumaruno a panagtatalantan iti BARSC tapno nakalukat iti publiko ti anyaman a panagbaliw wenno realingment iti national budget para iti sumaruno a tawen.// Bombo Khey Reparip
