BAGUIO CITY – Mapattapatta a P7.5-M ti gatad dagiti nauram a tiles iti maysa tile center sadiay Km. 4, La Trinidad, Benguet idi kalman.
Nabigbig ti akinkukua iti nasao a pasdek a ni Corazon Ampaguey.
Sigun kenni SFO2 Daniel Perazo, imbestigador ti La Trinidad Fire Station, nagresponde dagitoy iti alas tres trenta ti parbangon ken naideklara a fire out iti agarop alas sais iti agsapa.
Kinunana a manarimaan pay laeng ti imbestigasion dagitoy iti panakauram ti basement ti pasdek.
Nupay kasta, kinunana a maatap nga intunda daytoy iti nabaybay-an a suplay ti kuryente nangruna ta naduktalan a napumpuno amin dagiti electrical outlets iti nasao a pasdek.