--Ads--
BAGUIO CITY – Dinadael dagiti otoridad ti rinibribo a puon ti marijuana iti insayangkatda nga eradication operation sadiay Tulgao West, Tinglayan, Kalinga idi Sabado, January 15, 2022.
Nagresulta ti operasyon iti panakadadael ti mapattapatta a 12,000 a fully grown marijuana plants a naimula iti mapattapatta a 1,200 square meters.
Nadiskobre pay ti 50-K a gramo dagiti napagango a bulbulong ti marijuana.
Mapattapatta nga aggatad amin iti P8.4-M ti gatad dagiti iligal a mula nga inuram dagiti otoridad.
Nupay kasta, awan ti cultivator a natiliw kabayatan ti operasyon.
Naisayangkat ti operasyon babaen iti panangidaulo dagiti operatiba ti Tinglayan Municipal Police Station, 2nd Kalinga PMFC, RIU14, PDEU/PIU ken PDEA Kalinga.
