--Ads--
Nadiskubre ti agarup P80.6 million a gatad ti marijuana bayat ti naisayangkat a marijuana eradication idiay Barangay Buscalan, Tinglayan, Kalinga.
Daytoy ket babaen ti nagtipon a pwersa dagiti otoridad manipud iti Special Operations Unit-Cordillera, Philippine National Police Drug Enforcement Group, Tinglayan Municipal Police Station ken dadduma pay.
Nagresulta ti nasao nga operasyon ti pannakadiskubre ti maysa a naabondon a bodega a naglaon iti dried marijuana leaves ken iti maysa a communal forest a namulaan ti 103,000 a puon ti fully grown marijuana plants.
Dagus met a pinarut ken inuram daytoy dagiti otoridad bayat nga awan ti natiliwanda a cultivator wenno ti akinmula.
