Inaprobaranen iti Department of Budget and Management (DBM) ita nga aldaw ti pannakairuar iti nasurok P80 milyon a pondo tapno masuportaran ti industriya ti tabako.
Iti maysa nga statement iti nasao nga ahensia, inaprobaran ni Budget Secretary Amenah Pangandaman ti Notice of Cash Allocation (NCA) idi Mayo a nuebe nga aggatad iti P87.632 milyon para iti maikadua a kwarter iti National Tobacco Administration.
Sungbat daytoy iti Budget Department iti kiddaw ni President Ferdinand Marcos Jr. ken ti Private Sector Advisory Council-Agriculture Sector Group (PSAC-ASG) a mapapigsa ti suporta para iti sektor iti tabako.
Sigun kenni Pangandaman, panangipasigurado daytoy iti gobierno tapno ad-adda a rumang-ay ti sektor iti agrikultura iti pagilian a Pilipinas.
Kabayatanna, iti nasao a gatad, P175.276 million ket naipaulog iti katupagna a Notice of Cash Allocation tapno matungpal iti requirement ti nasao nga ahensia iti umuna a semester.
Ti pondo para iti National Tobacco Administration (NTA) ket agtaud iti Republic Act 11975, a pagaammo kas fiscal year 2024 General Appropriations Act, sigun iti Budget Department.