BAGUIO CITY – Naaprobaran ti P88.6 million a pondo ti lokal a gobyerno ti munisipyo ti Kapangan, Benguet para ita a tawen 2018.
Sigun kenni Kapangan Mayor Manny Fermin, kadakkelan a pondoda ket maaramat iti infrastructure projects a maysa kadagiti prayoridad ti munisipyo.
Kinunana a tuttutukanda met laeng ita a tawen dagiti programa para iti health ken nutrition, edukasyon, environment ken agrikultura ken iti panakakissay ti kinakurapay iti nasao a munisipyo.
Innayonna a naipangato ita a tawen ti buis iti nasao a munisipyo iti agarup lima a porsiento gaputa kasapulan a ngumato met ti mapaspastrekan ti Kapangan.
Maipalagip a maibasar iti Local Goverment Code, mabalin a maipangato ti makolektar a buis iti maysa a munisipyo iti tunggal lima a tawen.
