Inprobaran ti House of Representatives idi kalman ti singasing a P975.96-billion a pondo ti Department of Education (DepEd) para iti fiscal year 2027.
Sigun kenni Appropriations Committee Vice Chair Rep. Maria Carmen Zamora, daytoy ket irepresentar ti 13.55% ti alokasyon ti Education Department iti naisingasing a national budget para iti 2027.
Impeksa ni Zamora a daytoy ti kadakkelan nga alokasyon ti aniaman a departamento iti gobierno a maitunos iti mandato ti Konstitusyon.
Iti sidong ti badyet ti DepEd, kangrunaan a pakaaramatan daytoy ti School-Based Feeding Program (SBFP), government assistance, subsidies ken promosyon dagiti mannursuro.
Nailatang ti P11.4 bilion para iti SBFP a mangipaay kadagiti public school learners.