Nakumpiskar ti Bureau of Customs (BOC) ti package a naglaon ti P1.16 million a gatad ti ecstasy iti Port of Clark idi Disiembre a kuatro.
Iti statement a nairuar idi kalman, impakaamo ti Bureau of Customs (BOC) a nailemmeng dagiti iligal a droga iti uneg ti “heating boiler,” a naideklara kas “Central Heating Boiler,” a naipatulod manipud Germany.
Babaen ti detalyado a profiling ken K-9 inspection, natakuatan dagiti otoridad ti nasurok a 2.05 a kilo ti “illegal substance.”
Sigun kenni Port of Clark District Collector Jairus Reyes, babaen ti agtultuloy ken ken kolektibo a panagregget dagiti ahente, nagballigi dagitoy.
Inyunay-unay met ni Bureau of Customs (BOC) Commissioner Bienvenido Rubio ti panagkumit ti ahensia iti seguridad ti Pilipinas.
Naipaulog metten ti Warrant of Seizure and Detention kontra iti nasao a kargamento.
