BAGUIO CITY – Pormalen nga agtugaw kas baro a konsehal ti siudad ti Baguio ni Francisco Roberto Pacoy Ortega VI kasukat daydi Councilor ken retired police Colonel Roberto “Bobby” Ortega.
Kasaruno daytoy ti opisyal a panangpirma ni Presidente Rodrigo Duterte iti panakadutok ni Pacoy Ortega VI kas kasukat ti pimmusay nga amana.
Pampaneknekan ti napirmaan a dokumento manipod iti Malacañang a kwalipikado ti 29-year-old criminology graduate nga agtugaw kas miembro ti Sangguniang Panglungsod ti Baguio City babaen iti ‘rule of succession’.
Manamnama met a dagus nga agsapata ti baro nga opisial iti kabiitan a panawen.
Maipalagip a pimmusay daydi sigud a konsehal Ortega a nalatak iti awag a “Markang Bungo” idi Hulyo ti napalabas a tawen gapu iti kanser.
