Naikkat ni Reverend Father Alfonso Valeza kas parochial administrator ti St. Joseph Parish idiay Gagalingan, Tondo, Manila, epektibo idi Hunyo 5, ti agdama a tawen.
Sinuspendir metlaeng ti Archdiocese of Manila ni Rev. Fr. Valeza a mangidaulo kadagiti sakramento ken mangipatungpal ti aniaman nga aktibidad nga adda pakainaiganna iti kinapadina.
Daytoy ket gapu iti agtultuloy a pananglabsingna kadagiti bilin ni Manila Archbishop Cardinal Jose Advincula iti baet ti ado a daras a pammagbaga ken ballaagda kenkuana.
Itay nabiit, naalaan ti video ti pannakiapa ni Rev. Fr. Valeza kenni Novaliches Bishop Antonio Tobias iti uneg ti simbaan gapu iti saan a panagkinnaawatan.
Naappointaran met da Fr. Nolan Que, ken Fr. Si Gilbert Kabigting nga agserbi kas parochial administrator.
