![](https://img.bomboradyo.com/baguio/2021/10/Jose-P.-Rizal-Elementary-School.jpg)
BAGUIO CITY – Ibagi ti Jose P. Rizal Elementary School a masarakan ditoy Baguio City ti Rehion Cordillera iti maangay a national search ti Most Outstanding School-Based Feeding Program Implementer for School Year 2020-2021.
Daytoy ket kalpasan a nabigbig ti nasao a pagadalan kas regional winner ti Cordillera iti nasao a pasalip ti Department of Education.
Nagun-od met ti Lanna Elementary School sadiay Tabuk City, Kalinga ti First Runner-Up bayat a Second Runner-Up ti Tinoc Elementary School sadiay Ifugao ken Third Runner-Up ti Butique Elementary School sadiay Mountain Province.
Nagbalin met a finalists ti Nangobongan Primary School sadiay Abra, Lepanto Elementary School sadiay Benguet ken ti Magaogao Elementary School sadiay Kalinga.
Tarigagay ti programa a maiyunay-unay kadagiti pagadalan ti kinapateg ti panakasustinir ti feeding program dagitoy kadagiti ubbing nga estudyante iti baet a mapasparan ti pandemya a manglaplapped ita iti panakaimplementar ti face-to-face classes.