BAGUIO CITY- Addan dagiti pagalagadan a masurot iti panakaimuntar dagiti promotional materials dagiti politiko kas kadagiti posters ken tarpulins ditoy Baguio City.
Kasaruno daytoy ti presensia dagiti sumagmamano a promotional materials dagiti kandidato a maimunmuntar kadagiti nagduduma a kalsada ditoy siudad iti baet ti saan pay a panagrugi ti campaign period ti 2022 National and Local Elections.
Sigun kenni City Administrator Engr. Bonifacio Dela Peña, mabalin a maimuntar ti promotional material dagiti politiko kadagiti pribado a lugar nangruna no adda pammalubos dagiti agtagikua.
Nupay kasta, nainget a maiparit ti panakaikarga ti tarpulin wenno posters dagiti politiko kadagiti para publiko a lugar.
Dinakamatna a maikkat dagiti promotional materials dagiti politiko a maikarga kadagiti parapubliko a lugar.
