BAGUIO CITY – Impalubos latta ti lokal a gobierno ti pannakaipatungpal ti face to face activities wenno classes kadagiti pagadalan ditoy syudad iti baet ti pangta ti delta variant ti COVID-19.
Sigun kenni ni Baguio City Mayor Benjamin Magalong adda dagiti pagalagadan a nasken a suruten dagiti studyante ken manursuro kas iti umno a pannagsurot kadagiti minimum public health standards.
Malaksid iti dayta, nasken nga agaramat dagitoy iti double face mask kabayatan ti panangipatungpalda iti aktibidad dagitoy iti uneg ti pagadalan.
Kinunana a mangipatungpal dagitoy iti panagsukimat kadagiti pagadalan ken opisina ditoy siudad tapnu masigurado nga adda ti umdas nga espasyo ken napintas nga ventilation.
Inayonna nga ururayenda laengen a maisangpet ti air-change flow equipment a ginatang ti siudad nga aramaten dagitoy iti panagsukimat
