Isagsagana ti gobierno ti pagannurutan para iti pannakaiwaras ti fuel subsidies kadagiti sektor a mabalin a negatibo ti epektona kadagiti posible a pannakasinga ti suplay ti lana gapu iti kumarkaro a tension iti nagbaetan ti Israel ken Iran, sigun kenni Department of Transportation (DOTr) Secretary Vince Dizon idi kalman.
Kinuna ni Dizon a nangilatang ti gobierno iti P2.5 billion para iti fuel subsidy.
Impasigurado ti nasao nga opisial a dagos a maalada ti tulong nu malpas a maisagana a nasayaat ti pagannurutan iti panagala ti subsidy.
Gapu iti daytoy, kidkiddawenna kadagiti operator ken transport group a saandan nga agprotesta gaputa dumanon kadakaudan ti tulong a direktiba ni President Ferdinand Marcos Jr.
Maipalagip nga idi Miyerkues, impanamnama ni President Ferdinand Marcos Jr. iti publiko nga adda ti fuel subsidy gaputa naitudong a ngumato ti presio ti lana gapu iti panagsusupiat ti Israel ken Iran.
