Naapektaran ti pagbiagan dagiti mangallap iti Taal Lake, gapu iti natakuatan dagiti otoridad a maatap a tulang dagiti mapukpukaw a cockfighting enthusiasts wenno “sabungeros” a napapatay ken naibelleng sadiay.
Sigun iti Mayor ti Laurel, Batangas a ni Lyndon Bruce, dua manipud iti sangapulo a bangka ti agkalkalap iti tilapia ken bangus tunggal aldaw.
Gapu iti dayta, bimmaba iti wallo manipud iti 40 a tonelada ti makal-kalap gapu iti kinaawan dagiti orders.
Sigun pay iti nasao a Mayor, saan a makaruar dagiti mangalap tapno agala iti ikan gaputa, awan ti adu nga order manipud iti merkado sadiay Manila.
Kabayatanna, dumanon iti agarup 1,700 fishpens operators idiay Laurel ti agrekreklamo seknan iti epekto ti manarimaan a retrieval operations dagiti maatap a tulang dagiti mapukpukaw a cockfight gamers.
Malaksid iti dayta, bimmassit dagiti turista nga agbisbisita sadiay manipud idi naipadamag a naibelleng ti bangkay dagiti sabungeros iti Taal Lake.
Iti baet dayta, kinuna ti nasao nga opisial a pasayaatenda ti seguridad iti nasao a lugar tapno maliklikan ti kapada nga insidente.
