Kinompirmar ti Department of Health (DOH) nga awan ti kaso ti Ebola virus iti pagilian.
Sigun kenni DOH spokesperson Undersecretary Albert Domingo, awan ti rumbeng a pagdanagan ti publiko iti baet ti panagraira ti Ebola virus sadiay pagilian a Congo.
Innayona a nababa ti posibilidad nga agpeggad ti pagilian iti nasao a sakit, nangruna ta adayo ti pagilian sadiay Congo ken iti West Africa.
Kabayatanna, kinuna ti DOH nga awan paylaeng ti inrekomendar ti World Health Organization (WHO) nga anya man a travel ban ken saan nga ipatungpal daytoy ti pagilian.
Nupay kasta, ipatungpal ti Bureau of Quarantine ti nainget nga screening dagiti pasahero a nagbiahe kadagiti lugar nga addaan ti kaso ti Ebola virus kas iti pagilian a Congo ken Uganda.