--Ads--

Patien ni President Ferdinand Marcos Jr. a mairaman ti pagilian iti kanito a mapasamak ti giera iti Taiwan ken China.

Sigun kenkuana, mairaman ti pagilian iti gulo kayat man ti Pilipinas wenno saan.

Iti baet dayta, mangnamnama ni President Marcos Jr. a saan a mapasamak ti gulo sadiay Taiwan.

Nupay kasta, inyunay-unay ti Presidente a kasapulan metlaeng a pagsaganaan daytoy, nangruna iti pannakaikkat dagiti Pilipino sadiay Taiwan ken no kasano a maprotektaran dagitoy.

Kabayatanna, immuna a kinuna ti Presidente a mairaman metlaeng ti pagilian a Pilipinas iti kanito a mapasamak ti giera iti nagbaetan ti China ken Amerika gapu iti physical ­geographic location ti pagilian.