Inlawlawag ti Public Order and Safety Division a saan laeng a maymaysa a banag wenno pakaseknan ti ipapaayanda iti atensyon.
Iti panakiuman ti Bombo Radyo kenni Darryl Kim Longid, Chief iti nadakamat nga opisina, malaksid iti panagipatungpal dagitoy iti clearing operations kadagiti natuled a kaykayo tunggal dumalapos iti bagyo, mangipapaayda metlaeng iti assistance kadagiti agkasapulan.
Sigun kenni Longid, nakasagana a mangipaay ti opisinada iti tulong kadagiti agkasapulan laketdi kabaelanda gapu ta saan laeng nakapokus iti panangiyimplimintar kadagiti pagannurutan seknan iti illegal pedling, illega smoking ken dadduma pay ti risrisutenda.
Nupay kasta, inaklon ti opisyal nga adda metlaeng dagiti limiasion iti trabaho dagitoy rason a kasapulan metlaeng ti panakitinnulong dagiti daduma pay a maseknan nga opisina.
Kabayatanna, imbinglay ni Longid a naipasidong iti kanayunan a panagsanay dagiti 114 a personel iti Public Order Safety Division para iti ad-adda pay a panakapasayaat iti ipay dagitoy a serbisyo.//mp4
