--Ads--
> inton SEPTEMBER 3 (Tuesday) – special working holiday (adda klase/eskwela/trabaho)
- babaen iti RA 11216 ket naideklara ti September 3 kas maysa nga special working public holiday iti entero a pagilian kas panaglagip iti pormal a panagsuko ti militar ti Japan nga indauluan ni Army General Tomoyuki Yamashita a mabigbigbig kas Tiger of Malaya a nangisimbolo iti panaggibus ti World War II idi 1945.
- napateg daytoy a pasamak iti pakasaritaan ti lubong a nangbigbig iti napateg nga akem dagiti Cordillerans ken dagiti Pilipino iti panaggibus ti maysa a gubat.
- simmuko ni Yamashita sadiay Kiangan, Ifugao ken naiturong daytoy iti pagtaengan ti American High Commissioner sadiay Camp John Hay, Baguio City ken sadiay a pormal a pinirmaanna ti surrender documents ti Japan.
> inton SEPTEMBER 13 (Friday) – special non-working holiday (awan klase/eskwela/trabaho)
- babaen iti Proclamation No. 802 ket indeklara ni Presidente Duterte ti September 13 kas special NON-WORKING day iti entero a Cordillera Region kas panaglagip iti 1986 Sipat Peace Talks.
- idi September 13, 1986, impangag ti Cordillera People’s Liberation Army iti panangidaulo ni Fr. Conrado Balweg ti kiddaw para iti kappia ni sigud a Presidente Corazon Aquino para iti panakabukel ti ‘sipat’ wenno peace agreement sadiay Mount Data Hotel, Bauko, Mt. Province.
- napasamak ti panagsinnukat ti tokens kas iti rifle, rosaryo ken bibliya iti nasoa nga aldaw iti nagbaetan ti gobyerno ken dagiti rebelde a grupo a nangmarka iti kappia ken panakaisardeng dagiti panagrinnanget.
- nangitunda ti pasamak iti panangbigbig ti gobyerno ken iti panangbuangay daytoy iti Cordillera Administrative Region babaen iti Executive Order 220 kas dana para iti panagbalin ti Cordillera kas maysa nga Autonomous Region.
