BAGUIO CITY – Agtultuloy ti balidasyon ti Kalinga Provincial Police Office kadagiti nakumpiskar nga ebidensya manipod kadagiti lima a suspek iti pammaltog a napasamak sadiay Barangay, Malalao, Tabuk, Kalinga para iti pakabigbigan dagitoy
Iti interview ti Bombo Radyo Baguio ken Kalinga PPO Provincial Director Pol. Col. Peter Tagtag, inmuna a naideklara a pimmusay ti dua bayat a pinanggepda pay nga itaray iti pagagasan ti tallo ngem naideklara dagitoy a dead on arrival
Kinunana a malaksid kadagiti paltog nga inaramat dagiti suspek ket nakadiskubre dagitoy iti marijuana bricks nga aggatad iti P2.7 milyon.
Inlawlawag ti opisyal a saan a maikonsidera nga election related ti nasao nga insidente ken maibilbilang daytoy kas isolated cases
Inpanamnama pay ni Tagtag nga agtultuloy ti panangipatungpalda iti nainget a panagwanawan ken pannangipaayda iti seguridad para iti linak ken kapya ti probinsya
Maipalagip a napasamak ti nasao nga encounter idi kalman kasaruno ti naawat dagiti otoridad nga impormasion mainaig iti presensya dagiti robbery hold-up gang nga ag-op-operate sadiay Region 2, 3 ken 4 ken agibibiahe ti marijuana sadiay Tabuk City.
Gapu iti daytoy, dagus a nangipatungpal dagiti intel operative ti casing ken surveillance sadiay Bulo, Tabuk City Kalinga a nakaparaan ti maysa a gray/black almera a kotse nga addaan ti plate number nga NUS 11.
Nupay kasta, saan a nagsardeng ti nasao a lugan ken nagpaputok pay ti paltog dagiti nakalugan iti daytoy.
Kinamat dagiti otoridad ti lugan agingga a nakadanonda sadiay Barangay Malalao, Tabuk City Kalinga a nagresulta iti panagpinnaltog dagitoy a nangitunda iti ipupusay ti dagiti suspek
