BAGUIO CITY–Nakemmeg ti 32 a wanted personalities ditoy rehiyon Cordillera babaen iti makalawas a police operation ti Cordillera PNP
Manipod iti nasao a bilang, dumanon iti 10 iti maibilbilang kas Most Wanted Person.
Malaksid iti dayta, maibilbilang latta ti Baguio City Police Office nga addaan kangatuan a bilang dagiti nakemmeg a wanted person kalpasan a nakatiliwda iti 12, sarunuen ti Kalinga PPO ken Benguet PPO a nakailista iti 7 nga arrest, Apayao a 3, Abra a 2, ken maysa sadiay Ifugao
Maibasar iti report ti Cordillera PNP, nakemmeg ti Tuba MPS ti maibilbilang kas Top 2 Most Wanted Person iti Provincial Level a ni Legaspi Quinto Benayan gapu iti kasona a panagrames.
Nakemmeg met ti Kabayan MPS ti maibilbilang kas no.5 Most Wanted Person iti Provincial Level a ni Rayden Godio Guansi gapu iti panaglabsingna iti RA 7610 wenno Special Protection of Children Against Abuse, Exploitation and Discrimination Act.
Iti met La Trinidad MPS, nakemmeg ni Edward Carino Dimas a maibilbilang kas no.9 most wanted person ti provincial level, Regional Top 10 Illegal Drug Personality ken High Value Individual
Babaen met iti Buguias MPS, nakemmeg ti maibilbilang kas no. 10 Most wanted person iti provincial level a ni Roy Bekesan Pangwao gapu iti kasona a panaglabsing iti RA 9147 wenno Wildlife Resources Conservation and Protection Act.
Sadiay Abra PPO, balligi a nakemmeg ni Juanito Tan Balico a maibililang kas provincial top 10 illegal drug personality, high value individual ken no. 4 MWP iti Municipal Level babaen iti puwersa iti Peñarubia MPS
Nakemmeg met ni Jojo Delos Santos a maibilbilang kas No. 5 Most Wanted Person gapu iti kasona nga Attempted Murder babaen iti Bangued MPS
Iti met Apayao PPO, nakemmeg ni Melnar Maguinsay Altero a mainbilbilang kas No. 1 MWP iti Municipal Level gapu iti kasona a panagrames
Iti sabali nga operasyon babaen iti Luna MPS, nakemmeg ni Lorenzo Mendante Altero a nailista kas No. 2 MWP ti Municipal Level gapu iti kasona a panagrames.
Sadiay met Ifugao, nakemmeg ni Krisente Kimayong a maibilbilang kas No. 5 MWP iti Municipal Level gapu iti kasona a panaglabsing iti RA 9165. ken ni Maricar Gomisa Gayawet a maibilbilang kas no. 7 most wanted person iti station level gapu iti kaso daytoy a panagtakaw
Kagiddan iti dayta, inpanamnama ti Cordillera PNP iti agtultuloy nga operasyon dagitoy tapnu madalusan ti rehiyon manipod kadagiti wanted persons.
