Naituding a mangipatulod ti surat ti Punong Barangay ti Victoria Village Barangay, Baguio City iti Department of Public Ways and Highways kalpasan ti reklamo mainaig iti napasaran nga aksidente ti maysa a motorista itay nabiit.
Iti panakiyuman ti Bombo Radyo Baguio kenni Punong Barangay Ariel Reyes manipud Victoria Village Barangay, Baguio City, imbagana a mangipatulodda ti surat iti DPWH tapno maikkan daytoy ti naan-anay a solusyon.
Sigun pay iti opisyal, idi nagwidening ti DPWH iti Naguilian Road nairaman a nagaburan ti pagnaan ti danum isu nga aglaylayos iti Victoria Village
Nu sadinno innayon pay ti opisyal nga uppat a tawenin daytoy a pakaseknan dagiti motorista wenno dagiti dumaldalan iti nasao a lugar manipud pay nangrugi ti pandemya. Nupay kasta, nangipaay dagitoyen ti temporary a solutsyon babaen iti panangkessayda iti daga ti nadakamat a kanal tapnu naanayas iti panagayos ti danum paturong iti canal iti Brgy. Irisan
