MT. PROVINCE – Napagtutungtungan dagiti 22 a barangay officials ti Abatan, Bauko, Mountain Province dagiti pakaseknan dagitoy kabayatan ti selebrasyon ti Peoples Day itay napalabas.
Sigun kenni Kagawad Ambrusio Basal ti Otucan Sur, dakkel a tulong ti tungtungan dagitoy gapu ta naipakaammo ti pakaseknanda kasta met a wagas daytoy tapno tumulongda kadagiti daduma.
Kinuna ni Atty. Sebastian Badongen, dagiti kangrunaan a parikot ti Abatan, Bauko ket maipapan iti basura, ti road obstruction ken dagiti walang nga aso.
Gapu iti dayta, kiddaw ni Badongen nga imanehar kuma dagiti umili ti basura dagitoy bayat a makidkiddaw ti panangisubmitir dagiti barangay officials iti road clearing report dagitoy tunggal bulan kas pamaneknek a nagdalus dagitoy.
Impanamnama met ni Badongen a maipayan atensyon dagiti problema dagiti babbarangay.
Iti agdama, maur-uray ti update no anya dagiti agbalin nga addang tapno marisut dagiti nasao a pakaseknan.//BLNC Jenny Tacio
