Kinompirmar ni Palace Press Officer Undersecretary Atty. Claire Castro a nangisubmitir daytoy iti courtesy resignation idi July 16, 2025.
Kasaruno daytoy iti bilin ni Presidential Communications Office Acting Secretary Dave Gomez a pannakaisubmitir dagiti courtesy resignations kalpasan a nagtugaw kas dadaulo iti nasao nga ahensia.
Naipaayan agingga July 18, 2025 dagiti naapointaran a mangisubmitir iti courtesy resignations.
Immuna a kinuna ni Gomez a ti imbilinna a pannakaisubmitir ti courtesy resignation ket paset ti standard transition process.
Innayon ni Gomez nga agingga nga awan paylaeng ti dadduma a pammilin, amin nga Undersecretaries, Assistant Secretaries ken Directors ti PCO-Central Office, Heads ken dadduma pay a Presidential Appointees iti Attached Agencies ket agtultuloy nga ag-report iti trabahoda.
Mainaig iti dayta, inkari ti nasao nga opisial nga aramidenna ti patas, honest-to-goodness ken saan a bias a performance audit ti opisina.
