BAGUIO CITY – Ipalpalagip ti Commission on Elections (COMELEC) a maipawil ti panagkampanya dagiti kandidato kabayatan ti Holy Week, nangruna iti Maundy Thursday wenno Huwebes Santo ken iti Good Friday wenno Biyernes Santo.
Sigun kenni Atty. Nicasio Jacob, provincial election supervisor ti Benguet, maitunos daytoy iti COMELEC Resolution No. 10492.
Inlawlawagna a maipawil ti panagkampanya kas panagraem iti panaka-obserbar ti Semana Santa.
Innayonna a posible a madiskwaplikar dagiti kandidato nga agkampanya kabayatan dagiti nasao nga aldaw ken uray dagiti agaramat kadagiti lugan nga agrikurida tapno agkampanya.
Dinakamat pay ni Atty. Jacob a maipawil met laeng ti panakaipatangatang ken panakaipabuya dagiti campaign advertisements kabayatan ti Huwebes Santo ken Biyernes Santo.
