Impakaammo ni Philippine National Police (PNP) Chief Jose Melencio Nartatez Jr a naduklatanda a ti paltog a narekober manipud iti bag ti maysa a Grade 9 student idiay Pinamungajan, Cebu ket kukua ti lolo ti nasao a menor de edad.
Sigun kenni Chief Nartatez, Jr., apaman a makumpirmar a kukua daytoy ti lolo ti estudyante, mapatawan daytoy iti kaskenan a pannusa kas maitunos iti linteg.
Iti maysa nga statement, kinuna ni nasao nga ahensya a maibasar iti imbestigasyon, nadiskubre ti paltog iti uneg ti bag ti estudyante bayat iti bag inspection, rason tapno dagos a naikoordinar daytoy iti kapulisan.
Awan met ti bala ti nasao a paltog idi narekober daytoy dagiti otoridad. Iti agdama, adda daytoyen iti kustodiya dagiti kapulisan para iti umno a disposisyon.
Naiturn-over metten ti menor de edad nga estudyante iti Municipal Social Welfare and Development Office (MSWDO) para iti kaskenan nga interbensyon kas maitunos iti Republic Act No. 9344 wenno Juvenile Justice and Welfare Act.
Nagpallagip met ti PNP kadagiti parentes, guardians, ken firearm custodians nga isecure da a nalaing nu adda dagiti paltogda tapno saan a maala dagiti ubbing ken saan nga otorisado nga indibidual.//kcs09//