--Ads--
Balligi a naala ti pambato ti Pilipinas a ni Maria Gigante ti korona ti Universal Woman 2024 kalpasan a naangay daytoy idi kalman sadiay Cambodia.
Inabak ni Gigante ti uppat a pulo ket pito a kandidata manipud kadagiti nagduduma a pagilian iti maikadua nga edisyon ti Universal Woman pageant ita a tawen.
Malaksid iti dayta, naala pay ti 30-anyos a beauty queen manipud Cebu ti Social Media Award.
Kabayatanna, dagiti karaman iti Top 5 ket da Miss Venezuela Lisandra kas 1st Runner-up; Miss France Elisa Mysyshyne kas 2nd Runner-up; Miss Cambodia Brianna Mai kas 3rd Runner-up ken Miss Dominican Republic Chabeli Peña kas 4th Runner-up.