Impakaamo dagiti sumagmamano a pamilia idiay Gaza a saan laeng a peggad manipod iti panagbomba dagiti kameng ti Israel ti pannubok a mapaspasaran dagiti sibilian a Palestinian idiay Gaza.
Maysa kadagitoy ket ti kinaawan ti danum a mabalin a mainum, pagbuguan wenno mausar para iti panagluto.
Sigun kenni Ahmed Al-Shenbary, maysa nga umili sadiay Jabalia, nakasagana ti “container” dagitoy para iti namnamada a makasarakda iti pagtaudan ti danum.
Ngem nupay kasta, immunan a “nabulldoser” amin a bubon nu sadinno, awan kadagiti bubon ti danum ti nabati.
Maipalagip a nangrugi ti gubat idi Oktubre a siete idi rimmaut ti Hamas, grupo a mangiturturay ti Gaza, a nakatayan ti 1,200 nga indibidual idiay Israel kas maibasar iti rekord ti Israel.
Kabayatanna, kinumpirmar ni Catherine Russell, executive director ti United Nations International Children’s Emergency Fund wenno UNICEF nga us-usarenen dagiti ubbing ken pamilia ti danum manipod iti saan a natalged a danum wenno “polluted” a danum.
Gapu iti dayta, posible nga ad-adu pay nga ubbing ti matay manipod iti sakit nga itunda ti danum.
