Naituding a maangay ti awarding para iti pamilya a napili iti Search for Natatanging pamilya iti siudad ti Baguio kagiddan ti family fair day inton Setyembre baente nuebe iti oras ti alas otso y medya iti agsapa, idiay Malcolm Square.
Iti pannakiuman ti Bombo Radyo kenni Baguio City Councilor Elmer Datuin ti Committee on Social Services, kinunana nga adda ti napili dagitoy no sadino maipakaammo daytoy bayat ti nasao a selebrasyon.
Kalpasan ti awarding ket makisalip ti nangabak iti regional level ngem iti kanito a makwalipikar daytoy ket makisalip manen para iti national level no sadino ditoy a mapili ti mangabak para iti natatanging pamilya iti Pilipinas.
Maipalagip met a napili ti contestant ti siudad ti Baguio kas natatanging pamilya iti Pilipinas idi 2022.
Gapu iti daytoy, namnamaen ti nasao nga opisyal a makastrek ti contestant iti national level.
Iti sabali a bangir, maiparekep met ti Session Road iti nasao metlaeng nga aldaw para iti nasao a selebrasyon.
