Nangisayangkat ti nagsina a panagtitipon dagiti biktima ti drug war ken supporters ni sigud a Presiden Rodrigo Duterte iti ruwar ti International Criminal Court kabayatan iti umuna a confirmation of charges hearing daytoy.
Iti likod ti kinalam-ek idiay, nagmartsa paturong idiay korte dagiti pappamilya dagiti biktima iti maatap nga extrajudicial killing bayat iti war on drugs program.
Kidkiddawen dagitoy a kumpirmaren kuma ti nasao a korte ti kaso kontra iti sigud a presidente ken dagiti co-perpetrators daytoy.
Iti sabali a bangir, nangisayangkat met ti bukod a programa dagiti supporters ni sigud a President Duterte a naka-secure iti permit.
Iti pannakiuman ti Bombo Radyo Baguio kenni Maylen, maysa a Pilipina idiay Netherlands ken maysa kadagiti supporters ni sigud a President Duterte, agsinangoda laeng iti nagpwestoan kadagiti pappamilya dagiti biktima.
Patien ni Maylen nga inosente ni sigud a President Duterte ken dinakamatna a supsuportaranna daytoy gapu ta nasayaat ti panangidalanna iti daytoy ti nagtugaw kas presidente.
Agtuloy met ti panagtitipon dagitoy pakairamanan dagiti pappamilya dagiti biktima ti war on drugs agingga malpas ti nasao a hearing.// BomboKCS
