Imbinglay ti pamilya Duterte a kayatda a ditoy Pilipinas a matay ni sigud a President Rodrigo Duterte.
Iti maysa nga interview idiay The Hague, Netherlands kenni VP Sara Duterte, kinunana nga ada ti posibilidad a mawayawayaan ti sigud a president, banag a pinagsaritaanda a dua iti ama na.
Innaklon ti bise presidente a binilin daytoy ti sigud a presidente iti posibilidad nga ipupusayna iti ICC detention facility. Nupay kasta, sigun kenkuana, kas maysa a Pilipino, impetteng ni VP Sara a kayatna nga iti kuma pagilian a Pilipinas a matay ti sigud a presidente.
Innaklon na metlaeng nga ada ti butengda a baka iti uneg ti pagbaludan a matay ti ama na gapu iti edadna ket sakit a mapaspasaranna ita.
Kagidan dayta, kinidaw ni VP Sara iti ICC a papartakenda ti proseso ti panagdengngeg kontra iti ama na a mannarimaan a nakaditene iti agarup maysa a tawenen. //bombokaren.c.sapirao
