LA TRINIDAD, BENGUET- Agladladingit ti pamilya ti 18-anyos nga estudyante manipud Buyagan, Poblacion, La Trinidad, Benguet, kalpasan a pimmusay daytoy iti Agosto a nuebe, iti agdama a tawen.
Maibasar iti report, nagpacheck-up daytoy iti hospital kalpasan ti tallo nga aldaw a nariknana dagiti sintomas ti dengue.
Dagus met a naadmit daytoy iti pagagasan ngem pimmusay daytoy kalpasan ti tallo nga aldaw gapu iti Dengue Shock Syndrome no sadino nakaro daytoyen rason a saan a naispal.
Gapu iti daytoy, maiyunay-unay latta iti publiko ti panangsurot iti 4S daytoy ti Search and Destroy Mosquito Breeding Sites, Self-protection, Support fogging during outbreaks ken Seek early consultation.
Iti agdama, pakabuklanen iti uppat ti pimmusay idiay La Trinidad gapu iti sakit a dengue.
