BAGUIO CITY – Maur-uray pay ti memorandum circular nga ipaulog ti Land Transportation Franchising and Regulatory Board (LTFRB) Central Office para iti panakailuikat dagiti inter-regional routes.
Sigun kenni LTFRB-Cordillera Regional Director Engr. Lalaine Sobremonte, manarimaan paylaeng ti panangisimpa ken panangadal ti Cental Office kadagiti ruta iti Cordillera a nakiddaw a mailukat.
Karaman kadagiti kinidddaw ti LTFRB-Cordillera a makailukat a ruta ti bus ti biyahe paturong saiday Tabuk City, Kalinga; Paracelis, Mountain Province ken dagiti lugar nga agturturong iti Region 1 ken Region 2.
Kiniddawda met ti panakailaukat ti ruta paturong sadiay Dagupan, Rosario, Carmen ken Rosales iti Pangasinan para met iti UV Express.
Mangnamnama ni Engr. Sobremonte a maaprubaran ti kiddaw ti dagitoy a kanayunan a ruta tapnu matulungan dagiti operatos ken drivers iti rehiyon.
Immuna metten nga impetteng ti Baguio City a nakalukat daytoy para iti panakailukat ti inter-regional routes.
