Impakaamo ni Foreign Affairs Secretary Enrique Manalo nga awan pay ti imbilin ni President Ferdinand ”Bongbong” Marcos Jr. maipapan iti imbestigasion iti mapapati a “wiretapping” dagiti Chinese Embassy personnel iti saritaan maipapan iti “new model” iti Ayungin Shoal idiay West Philippine Sea.
Sigun iti nasao nga opisial, apaman a makaalada ti ebidensia maipapan iti nasao a katulagan iti nagbaetan ti Pilipinas ken China, dagos a mangipatungpalda ti naan-anay nga addang.
Ngem immunan a pinaglibakan ti Pilipinas ti statement iti China a nakitulagda iti maysa a Chinese diplomat maipapan idiay Ayungin Shoal.
Sigun iti maysa nga opisial ti Pilipinas, posible a saan a pudno ti “audio recordings” a katulagan gaputa naaramid laeng daytoy.
Kinuna met dagiti sumagmamano nga opisial ti gobierno a rumbeng a mapapanaw dagiti Chinese diplomats a karaman iti maipagarup a wiretapping.
Impaganetget met ni Department of Foreign Affairs spokesperson Ma. Teresita Daza a rumbeng a masurot ti 1961 Vienna Convention on Diplomatic Relations nu sadinno, nakalanad a pagrebbengan amin a tao a raemen dagiti linteg ken pagannurutan.