Inaklon ni Attorney Gregorio Abalos, Labor Attache sadiay Oman nga umad-ado ti panang-abuso kadagiti OFW sadiay manipud kadagiti employersda.
Iti panakiuman ti Bombo Radyo Baguio kenkuana, kinunana a saan a makapanaw dagiti trabahador gaputa saanda pay a pinalpas ti kontrada.
Imbinsabinsa ni Abalos a pisikal a panang-abuso ken verbal abuse dagiti ar-aramiden dagiti employersda gaputa nalugi dagitoy iti negosyoda rasun iti panangbaybay-anda ken panangibatida kadagiti trabahador dagitoy.
Gapu iti daytoy, tultulungan ti embahada dagitoy kas iti panangipilada iti kaso iti administry of Oman Power ken iti primary court sadiay iti baet a mabayagan ti proseso iti daytoy.
Kiniddawna ti panag-inanus dagiti OFW sadiay tapno saanda a tumaray a dagus iti embahada ta maapektaranda amin sadiay ken saanda a maakomodar amin nga agturong sadiay nga OFW nga agkasapulan ti tulong.