Inruaren ti Commission on Elections (Comelec) a nagtugaw kas National Board of Canvassers (NBOC) ti bilang dagiti botos para iti senador ken partylist.
Rumrumuar iti numero uno iti kinasenador ket ni Christopher “Bong” Go nga addaan ti botos a 27,121,073 ; maikadua ni Paolo Benigno “Bam” Aquino nga addaan ti 20,971,899; maikatlo ni Ronald “Bato” dela Rosa – 20,773,946;maikapat ni Erwin Tulfo – 17,118,881; maikalima ni Francis “Kiko” Pangilinan- 15,343,229; mai-innem ni Rodante Marcoleta – 15,250,723; maika-pito ni Panfilo “Ping” Lacson – 15,106,111; maiwalo ni Vicente “Tito” Sotto – 14,832,996; maika-siam ni Pilar “Pia” Cayetano – 14,573,430; maika-sangpulo ni Camille Villar – 13,651,274; maika-sangapulo ket maysa ni Manuel “Lito” lapid – 13,394,102; ken maudi wenno maika-sangapulo ket dua ni Maria Imelda “Imee” Marcos – 13,339,227.
Ti met nakagun-od ti numero uno iti partylist ket ti Akbayan – 2,779,621; Duterte Youth – 2,338,564; Tingog – 1,822,708; 4Ps – 1,469,571; ACT-CIS – 1,239,930; Ako Bicol – 1,073,119 ; USWAG-Ilonggo – 777,754; Solid North – 765,322; Trabaho – 709,283; Cibac – 593,911; Malasakit@Bayanihan – 580,100; Senior Citizen – 577,753; Pwersa ng Pilipinong Pandagat (PPP) – 575,762; Mamamayang Liberal (ML) – 547,949; FPJ Panday Bayanihan – 538,003.
Dumanon iti 175 Certificate of Canvass (COC) ti pakabuklan a nabilangda manipod idi Mayo a trese agingga idi kalman, Mayo a kinse.
Sigun iti nasao nga ahensia, ti agdama a canvassing ti kapartakan iti pakasaritaan ti eleksion.
Iti baet nga inruar ti National Board of Canvassers ti bilang dagiti botos ken ranggo, inlawlawagda a saan pay daytoy a pinal ken mabalin pay daytoy a ma-audit.
