Manarimaan ti panag-excavate dagiti construction workers iti daga a pakaipasdekan ti Benguet Convention Center sadiay Wangal, La Trinidad, Benguet.
Iti panakiuman ti Bombo Radyo kenni Edison Ambales, Engineer II ti Department of Public Works and Highways-Benguet 1st District, ti Benguet Convention Center ti maysa a proyekto nga ipangrunada ita a tawen.
Iti agdama,manarimaan paylaeng ti panakaaramid ti Phase 1 iti nasao a pasdek a nailatangan iti pondo a nasurok P148 million nu sadino, manamnama a maileppas inton Hulyo a Onse.
Ti nasao a pasdek ket maibangbangon iti abay wenno sanguanan ti Benguet Aquatic Center.
Maipalagip nga immunan nga impeksa ni Benguet Congressman Eric Go Yap a panggep ti convention center a guyuguyen dagiti nagduduma a nalalatak a personalidad a sumarungkar iti probinsya iti Benguet.
Innayon ti opisyal a panggepna a ti Benguet Convention Center ket agserbi kas iti Baguio Convention Center a pakaang-angayan ti konsierto dagiti dadakkel a personalidad.//Bombo Genzel Depayso
